Si dating Senate President Manny Villar pa rin ang pinakamayaman sa Pilipinas, at tanging Pinoy na pasok sa listahan ng Forbes magazine na top 200 na pinakamayayamang tao sa mundo ngayong 2024.

Sa inilabas na listahan ng Forbes, pang-190 ang 74-anyos na si Villar na may net worth na $11 bilyon.

Si Villar ang chairman ng property developer Vista Land & Lifescapes na pinamamahalaan ng kaniyang anak na si Manuel Paolo.

"The company listed VistaREIT, a real estate investment trust, in June 2022 with an initial portfolio of 10 shopping malls and two office towers," nakasaad sa Forbes.

Sa nasabing listahan din, may apat pang kasama si Villar sa puwesto ng pang-190 na mayroon ding net worth na $11 bilyon na sina Brian Chesky, 42-anyos mula sa United States (Industry: Technology); Barry Lam, 74, mula sa Taiwan (Industry: Technology); Donald Newhouse, 94-anyos, mula sa United States (Industry: Media & Entertainment); at Mikhail Prokhorov, 58-anyos, mula sa Russia (Industry: Finance & Investments).

Tatlo naman ang nakalista sa pinakahuling puwesto o pang-200 na may net worth na $10.7 bilyon na sina Suleiman Kerimov & family na mula sa Russia; Sarath Ratanavadi na mula sa Thailand; at Patrick Ryan, na mula sa United States.

Top 10 na pinakamayayaman

  • 1. Bernard Arnault & family
  • Net Worth: $233 Billion | Age: 75 | Country/Territory: France | Industry: Fashion & Retail
  • 2. Elon Musk
  • Net Worth: $195 Billion | Age: 52 | Country/Territory: United States | Industry: Automotive
  • 3. Jeff Bezos
  • Net Worth: $194 Billion | Age: 60 | Country/Territory: United States | Industry: Technology
  • 4. Mark Zuckerberg
  • Net Worth: $177 Billion | Age: 39 | Country/Territory: United States | Industry: Technology
  • 5. Larry Ellison
  • Net Worth: $141 Billion | Age: 79 | Country/Territory: United States | Industry: Technology
  • 6. Warren Buffett
  • Net Worth: $133 Billion | Age: 93 | Country/Territory: United States | Industry: Finance & Investments
  • 7. Bill Gates
  • Net Worth: $128 Billion | Age: 68 | Country/Territory: United States | Industry: Technology
  • 8. Steve Ballmer
  • Net Worth: $121 Billion | Age: 68 | Country/Territory: United States | Industry: Technology
  • 9. Mukesh Ambani
  • Net Worth: $116 Billion | Age: 66 | Country/Territory: India | Industry: Diversified
  • 10. Larry Page
  • Net Worth: $114 Billion | Age: 51 | Country/Territory: United States | Industry: Technology

Pinakamayayaman sa Pilipinas

Sa listahan ng Forbes para sa mga pinakamayayaman sa Pilipinas, sumunod kay Villar sa listahan si Enrique Razon Jr. na may net worth na $10 B, at pang-224 na sa puwesto ng mga pinakamayayaman sa mundo.

Sumunod sa kanila si Ramon Ang- $3.5 B

  • Hans Sy- $2.6 B
  • Henry Sy, Jr.- $2.5 B
  • Herbert Sy- $2.5 B
  • Lucio Tan- $2.5 B
  • Harley Sy- $2.4 B
  • Teresita Sy-Coson - $2.3 B
  • Elizabeth Sy- $2.1 B
  • Andrew Tan- $2 B
  • Tony Tan Caktiong - $1.4 B
  • Lucio Co- $1.2 B
  • Susan Co- $1.1 B
  • Lance Gokongwei- $1.1 B


--FRJ, GMA Integrated News