Inihayag ni Ysabel Ortega ang kaniyang saya dahil nakatagpo siya ng isang ama at itinuring din siyang sariling anak ng kaniyang stepfather na si Gregorio Pimentel.

“Kasi po I know na it’s not easy to treat someone else’s daughter as your own. So I’m just very grateful kasi I found a father in daddy Greg. I know it’s not easy to accept that. But he treats me as his own daughter, and I’m very happy because I’m happy to say na now, I have a family. I have a whole family,” sabi ni Ysabel sa “Fast Talk with Boy Abunda” nitong Biyernes.

Ayon kay Ysabel, may sarili silang love language ng kaniyang amain.

“For me po kasi ‘yung relationship namin ni Daddy Greg, it’s not the very showy kind. Hindi po kami masyadong showy. Love language namin is pang-aasar. Actually nag-aasaran kami pero we never really tell each other how we mean to each other,” saad ng Voltes V: Legacy actress.

Si Ysabel ay anak ni Senator Lito Lapid at ng dating singer na si Michelle Ortega.

Ikinasal naman si Michelle kay Pimentel, na dating Philippine National Police director at nanungkulang deputy director general ng Philippine Drug Enforcement Agency (PDEA).

Sa naturang panayam, inihayag din ni Ysabel ang kaniyang pasasalamat dahil maayos na ang relasyon nila ng kaniyang pamilya sa kaniyang ama na si Sen. Lapid.

Kuwento ni Ysabel, close siya sa kaniyang ama noong bata pa siya, ngunit hindi naiwasan na magkaroon ng hindi pagkakaintindihan sa pamilya.

“Growing up I was very close to my dad, I always talk about it, I’m always grateful for it. Of course there was a time, for people who knew about it, there was a rough patch po. Pero, it always happens with family,” saad ng aktres.

Sa kabila nito, “okay” sila ng kaniyang ama.

“Palagi namang nagkakaroon ng hindi pagkakaintindihan sometimes but grateful ako kasi now we’re okay. We get to talk with each other, we see each other from time to time. What matters is now, and I am grateful for what we have,” sabi ni Ysabel.

Suportado rin si Ysabel ng kaniyang ama sa pag-aaral niya ngayon ng abogasya. --FRJ, GMA Integrated News