Ibinahagi ni TJ Monterde na niregaluhan niya kamakailan ang kaniyang asawang si KZ Tandingan ng isang lote kung saan nila planong ipatayo ang kanilang dream home.
Sa kaniyang nakaraang guesting sa podcast na “i-Listen” ni Kara David, ikinuwento ni TJ ang kanilang milestone habang pinagninilayan ang mga paghihirap na kaniyang pinagdaanan tatlong taon na ang nakalilipas, noong hindi siya sigurado kung hanggang saan makararating ang kaniyang singing career.
Inalala niya ang isang pagkakataon na umiiyak siya at tinanong sa Diyos, "Hanggang dito na lang po ba talaga?"
“But that’s why I’m sharing this story because I want to encourage people also, that it’s only been three years. And when the time comes, when the Lord says that this is your time, this is for you, it happens quickly. And our opening statement at the concerts we do is always, the Lord’s timing is different from our timing,” dagdag niya.
Gayunman, hindi raw pumasok sa isipan ni TJ na makakabili rin siya ng lupa sa kanilang dream location at makapagpatayo ng tahanan na kanilang pinapangarap.
“And now, I never imagined that I would be able to buy that piece of land in our dream location, and that we would build our dream home there. And I promised her that I would be the one to build that dream home for her,” saad niya.
Naging engaged sina TJ at KZ noong 2019 at nagpakasal noong sumunod na taon.
Binuo nila ang kanilang hit song na “Palagi.” – FRJ GMA News
