Makikigulo sa top-rating kapuso primetime series na "Inday Will Always Love You" ang 'Kapuso It Girl" na si Solenn Heussaff.
Sa Chika Minute report ni Aubrey Carampel sa "24 Oras" nitong Lunes ng gabi," sinabing may guest appearance si Solenn sa "IWALY" bilang si Dra. Joanna.
Mayroon umanong gagawing special operation sa lugar nina Happylou [Barbie Forteza] si Dra. Joanna.
"Let's say mas involved ako dito kay Buboy [Villar], kay Paeng. So 'youn kasi 'di ko pwede sabihin masyado since cameo baka 'yung kwento masasabi ko na pero cute lang nakakatawa," kuwento ni Solenn.
Samantala, sa gitna ng busy schedule, very hands on daw si Solenn sa mga gawaing bahay lalo na sa pagluluto.
Siya pa raw mismo ang namamalengke para makatipid.
Sa blog post ni Solenn, ipinakita niya ang ginawang pamamalengke pero nagtatakip siya ng mukha para hindi makilala.
"Mas makakatipid, tapos mas maganda 'yung product, mas good quality, tapos may organic part din sila," kuwento niya.
Mas nakakamura daw si Solenn sa mga palengke kaysa mamili sa mga supermarket. -- FRJ, GMA News
