'The Boobay and Tekla Show,' may mga bagong pakulo!

Magkakaroon ng mga bagong pakulo ang late-night comedy talk show nina Boobay at Tekla na napapanood tuwing Linggo ng gabi.

Sa darating na Linggo, April 30, magkakaroon ng relaunch ang kinagigiliwang "The Boobay and Tekla Show." Mayroon pa ring live celebrity guests, games, at iba pang nakatutuwa at pampa-good vibes  na mga gimik.

Kabilang sa mga bagong segment at games  ang “TBATS Top 5,” “Dear Boobay and Tekla,” “Phone Raid,” “News na ‘Yaaarn?!?,” “PM is the Key,” “Pasikatin Natin ‘Yan!,” “Ang Harsh!,” “Your Time Starts Now,” “Truth or Charot,” “Uncensored, Sasagutin o Kakainin/Iinumin,” at “Hugot of the Week.”

Mayroon ding “Food Or Fake,” “Face/Off,” “Bawal Tumawa Update,” “Guess The Mystery Word,” “Shock Attack,” “Don’t English Me,” at “Talas-Salitaan.”

Nagsimula ang ‘The Boobay and Tekla Show’ sa YouTube noong 2018. At sa sumunod na taon ay napanood na ito sa GMA Network.

Kaya samahan sina Boobay at Tekla sa “TBATS is life. Tawa is life,” tuwing Linggo pagkatapos ng "Kapuso Mo, Jessica Soho." --FRJ, GMA Integrated News