Nagbabala at ipinaalam ng Embahada ng Amerika sa mga awtoridad sa Pilipinas ang isang aplikante ng US visa na mabistong gumamit ng pekeng dokumento.
Sa isang social media post, sinabi ng embahada na ipinapaalam ng mga opisyal konsulado ng US sa mga awtoridad ng Pilipinas kapag may nabibisto silang mga aplikante na may pekeng dokumento para mag-apply ng visa.
“We take visa fraud seriously. Recently, the US embassy notified Philippine law enforcement about visa fraud, resulting in the arrest of an applicant using fake documents,” saad sa US Embassy video.
“Here is what you need to know. When our consular officers discover fraudulent Philippine documents, we notify the Philippine government authorities,” dagdag nito.
Ayon sa embahada, ang paggamit ng mga pekeng dokumento o pagsisinungaling tungkol sa mga impormasyon ay maaaring magresulta sa lifetime ban sa pagpasok sa US, gayundin ang pag-aresto at pagharap sa kasong kriminal.
“No secrets, no exceptions, no tolerance for fraud. Report visa scams and fraud to FBI Manila at state.gov,” babala ng embahada. – Mariel Celine Serquiña/FRJ GMA News
