Gaya ng kaniyang hashtag noon na "#DeePaTapos," 'tuloy ang pageant journey ni Michelle Dee na planong sumabak muli sa Miss Universe Philippines.
Sa Instagram Stories, ibinahagi ng Kapuso actress and beauty queen na muli siyang nag-apply upang sumali sa naturang kompetisyon.
BASAHIN: Michelle Dee, may plano bang muli na sumali sa beauty pageant?
Sa larawan na ginamit niya sa aplikasyon, nakasuot si Michelle ng white mini dress na may fur cuff sleeves.
Nagpakita naman ng suporta kay Michelle ang kaniyang best friend at house mate na si Rhian Ramos.
Saad ni Michelle sa caption ng larawan na naka-post sa Instagram, “If not now then when?”
Muli ring ginamit ni Michelle ang hashtag #DeePaTapos.
“Thank you for all the love! I hear you, [I’m] with you [and] most importantly we’re in this together. All love," dagdag niya.
Sumali si Michelle sa Miss Universe Philippines 2022 at itinanghal siyang Miss Universe Philippines Tourism.
Noong 2019, itinanghal si Michelle na Miss World Philippines 2019, at nakapasok sa top 12 sa global competition.—FRJ, GMA Integrated News
