Arestado ang dalawa umanong drug suspects sa isinagawang buy-bust operation ng mga pulis-Maynila madaling-araw nitong araw ng Linggo.
Iniulat ni Manny Vargas sa Dobol B sa News TV na ikinasa ang operasyon ng mga tauhan ng Manila Police District Station 11 dakong alas-tres ng umaga sa Delpan St. sa bahagi ng Binondo.
Dalawang drug suspect, arestado sa isinasawang drug buy-bust operation ng mga pulis sa Delpan St., Binondo, Maynila; nasa ?68,000 ng iligal na droga, nasabat sa mga suspect. | via @VargasMannysen pic.twitter.com/lrWu1xq4Av
— DZBB Super Radyo (@dzbb) August 9, 2020
Nakuha mula sa mga suspek ang 35 sachets ng hinihinalang shabu na umaabot sa 10 gramo, at nagkakahalaga ng P68,000.
Nahaharap sa patung-patong na kaso ang dalawa dahil na rin sa paglabag ng mga ito sa curfew bukod sa pagbebenta ng iligal na droga. —LBG, GMA News
