Ikinasal na ang Kapuso actress na si Rich Asuncion sa nobyo niyang Fil-Aussie rugby player na si Benjamin Mudie sa Hong Kong nitong Lunes.
Sa Twitter post sa dZBB reporter na si Tootie, sinabing ilang malalapit na kaibigan ni Rich ang nagtungo sa Hong Kong para dumalo sa kasal.
JUST IN: Kapuso Actress na si Rich Asuncion, ikinasal na sa kanyang longtime boyfriend na si Ben Mudie ngayong umaga sa Hongkong Marriage Registry. pic.twitter.com/eeLN4Wcpoy
— Ako si tootie (@yourstootie) May 28, 2018
Kabilang dito sina Sheena Halili, Glaiza de Castro, Renz Fernandez, at Sunshine Dizon, na naging best friend ni Rich sa dating hit afternoon series na "Ika-6 Na Utos."
Nag-post naman ng mga larawan sa kani-kanilang Instragram account ang mga celebrity na dumalo sa kasal.
"Honored to be a witness and be a part of this special day of your lives. We love you bessy," saad ni Sunshine sa caption ng kaniyang larawan.
"Congrats @richellasuncion and @benjmudie Bech wedding ever," sabi naman ni Renz.
Abril 2017 nang maging engaged ang dalawa na naganap sa taping ng "Ika-6 Na Utos." -- FRJ, GMA News
