Bago pa man magtapos ang 2018, ipinasilip na ng Kapuso Network ang mga bigating shows na dapat abangan ngayong 2019, na malapit na ring mapanood.
S`a Chika Minute report ni Lhar Santiago sa GMA News "24 Oras" nitong Miyerkoles, sinabing pagbibidahan nina Breakthrough Star of 2018 Kyline Alcantara at International Film Festival awardee na si Therese Malvar ang kanta-seryeng "Inagaw na Bituin."
"'Yung mga Pilipino, mga Kapuso na manonood ng Inagaw Na Bituin, hindi po nila makikita 'yung Cheska or 'yung katawan ni Cheska o 'yung mga ugali ni Cheska, mga mannerisms ni Cheska kay Elsa/Anna," ayon kay Kyline.
"Tulungan po kami 'cause I need someone rin who knows kontrabida roles. Eh si Kyline, magaling naman do'n, so acting coach ko siya ng slight," sabi ni Therese.
Bibida naman ang tambalang "KyRu" nina Kylie Padilla at Ruru Madrid sa kakaibang rom-com series na "TODA One I Love."
"Honestly, it feels natural kasi it's very close to, 'di ba, very ano siya, down to earth, grounded. Hindi siya reyna, so it feels exciting and grounding," sabi ni Kylie.
"Bagong role at bagong experience ang gagawin namin dito," sabi ni Ruru Madrid.
Hamon para kay Bianca Umali ang pagbibidahan niyang series na "Sahaya," pero makakatrabaho pa rin niya ang matagal na niyang love team na si Miguel Tanfelix.
"On February 2019, Sahaya will be airing already and I'm very excited kasi lumabas na po 'yung trailer namin online and marami pong magagandang feedback," sabi ni Bianca.
Itatampok ang isang tao na may dalawang mukha, mailalarawan nina Jak Roberto at Barbie Forteza bilang exciting ang series na "Kara Mia."
Ipinagmamalaki ni Jak ang mga co-stars niyang beterano at beterana.
"Mga hinahangaan, beterano na po, sina sir John Estrada nandiyan, miss Carmina Villaroel, Glydel Mercado. Kasama rin po namin si miss Gina Pareño, so ang dami po. Si Mike Tan, 'di ba, andiyan po at, si Paul Salas, Mika dela Cruz," sabi ni Jak. —Jamil Santos/ LDF, GMA News
