Umabot na sa mahigit 100,000 ang views ng cover ni Glaiza de Castro ng Korean hit song na "Eight" na original song ng sikat na singer-actress na si IU at Suga ng BTS. Ikinuwento niya rin ang pakikipag-collaborate sa Korean singer at record producer na si Jo Han Jun sa pagbuo ng cover.
Sa Chika Minute report ni Lhar Santiago sa GMA News "24 Oras" nitong Martes, sinabing si Jo Han Jun ang siyang gumawa ng areglo at nag-record ng rap part ng kanilang version.
"I actually just messaged him on Instagram, and asked if he can do the song. And he said 'Okay.' And he took a couple of days for him to get back to me. I just recorded my vocals," sabi ni Glaiza.
"When I listened it, I can make sure, 'Oh this kind of mode is okay, I can go with it," sabi naman ni Jo Han Jun.
Nagkakilala sina Glaiza at Jo Han Jun nang mag-shoot si Glaiza ng isang short film sa Korea kung saan naging partner niya ito.
Nabuo ang pagkakaibigan nina Glaiza at Jo Han Jun nang malamang pare-pareho silang involved sa music.
"We even went to a karaoke bar, that was our first ever collaboration where we just sang lots of different and songs we were surprised that he can rap," sabi ni Glaiza.
Si Han Jun ang nag-ayos ng arrangement at sound sa unang collab nila at si Glaiza naman ang nag-edit ng video.
"'Yung time na natapos ko siya, I uploaded it right away, I sent it to Han Jun and he said 'Oh! Okay let's do it, let's post it," sabi ni Glaiza.
"Actually I'm a little shy. For me, actually this is my very first time to show my process of making a song," sabi ni Jo Han Jun.
Bukas naman daw si Jo Han Jun na pumunta ng Pilipinas.
"I really wanna go to the Philippines but if she invites me or if there is kind of project for our next collaboration, then I can go there, I can be there," sabi ni Jo Han Jun.-- Jamil Santos/FRJ, GMA News
