Kasamang mapapanood nang libre ang mga hit na Kapuso movies at mga serye sa paglulunsad ng YouTube ng “Super Stream” ngayong Setyembre.
Sa Chika Minute report ni Nelson Canlas sa GMA News “24 Oras” nitong Huwebes, sinabing nakipag-partner ang online video-sharing platform sa iba’t ibang media outfit, kabilang na ang GMA Network.
Kaya naman libreng mapapanood sa unang linggo ng Super Stream ang “Mulawin The Movie,” “Meant To Beh,” “Instant Mommy,” “Above the Clouds,” “Sana Dati,” “Asintado,” “Spirit of the Glass 2” at “Overtime.”
Kabilang pa ang “Enteng Kabisote 10 and the Abangers,” “Si Agimat at si Enteng Kabisote,” “Kiko En Lala,” “Sosy Problems,” “I Will Always Love You” at “Barbi D’ Wonder Beki.”
Bukod dito, maaari ring balikan ang TV series na “T.G.I.S.,” “The Half Sisters,” “Dragon Lady,” “Anak ni Waray vs Anak ni Biday,” “Bilangin ang Bituin sa Langit” at “Love of My Life.”
Sinabi ng YouTube na maaaring mag-binge-watch ang users ng higit 300 oras ng blockbuster na mga lokal na video content.
Asahan ang iba pang mga pelikula sa mga susunod na linggo sa opisyal na YouTube account ng GMA Network at mag-subscribe. – Jamil Santos/RC, GMA News
