Ginawaran si Nora Aunor ng Lifetime Achievement Award in Performing Arts sa ginanap na Gawad Amerika 2020.
Sa Star Bites report ni Cata Tibayan sa GMA News TV "Balitanghali" nitong Miyerkoles, sinabing hindi na nakadalo pa si "Superstar" sa awards night dahil sa COVID-19 pandemic.
"Sa lahat ng mga tagahanga ko po diyan sa Amerika na nagmamahal po sa akin, mga sumusuporta, ang aking walang katapusang pagmamahal ko sa inyong lahat diyan, mula sa puso. Wala pong iwanan ha, I love you," mensahe ni Nora sa mga tagahanga sa Amerika.
Bukod dito, ginawaran din si Senator Bong Revilla Jr. ng Lakandula Award.
Natanggap naman ni Bulacan Governor Daniel Fernando ang "2020 Gawad Amerika Hero Survivor" at natanggap ni Congressman Alfred Vargas ang "Raja Sulayman Award of the Year 2020." --Jamil Santos/FRJ, GMA News
