Nagluluksa si Geneva Cruz kasunod ng pagpanaw ng kaniyang ina na si Marilyn Cruz, na nagpositibo sa COVID-19.
Sa Instagram post ibinahagi ni Geneva ang malungkot na balita na may kasamang black and white photo ng ina.
“With hearts broken and full of sorrow, our family would like to let you know that our Mom and Grandmother, Marilyn Cruz, is now in heaven,” saad ng mang-aawit sa caption.
“She is gone too soon, and no one can ever replace her in our hearts. See you on the other side, mama,” patuloy niya.
Bago nito, nag-post si Geneva sa kalagayan ng ina na bumaba ang blood oxygen level sa 46 “because of her severe pneumonia.”
Dahil dito, kinailangan ma-intubate ang ina.
Nitong nakaraang linggo, nagsagawa ng online show si Geneva para makalikom ng pondo sa pagpapagamot ng ina na kritikal na noon ang kalagayan.
"We will forever remember each of you who prayed and helped in whatever way that you can,” sabi ni Geneva sa caption ng kaniyang IG post.
Kamakailan lang ay pumanaw din dahil sa komplikasyon tulad ng COVID-19 ang ina ni Jean Garcia. — FRJ, GMA News
