"The next chapter of my life starts."
Ito ang inihayag ni Migo Adecer matapos niyang ibahagi na engaged na sila ng kaniyang non-showbiz girlfriend na si Katrina Mercado.
Sa Instagram post, makikita si Migo at ang kamay ng kaniyang fiancée’ na mayroong diamond ring.
“And just like that, the next chapter of my life starts,” anang aktor.
“You know what they say, if you like it, then you should put a ring on it. Katrina, to more adventures and endeavours, my dearest,” patuloy ni Migo.
Binati naman ng mga follower at kapuwa celebrities si Migo. Kabilang dito sina Mavy Legaspi, David Licauco, Shaira Diaz, at Iya Villania.
Nagsimula ang showbiz career ni Migo nang maging Ultimate Male Survivor siya sa StarStruck Season 6.
Bagaman iniwan niya ang showbiz noong Abril 2020, nilinaw naman ni Migo na hindi naman niya lubusang tinalikuran ang kaniyang propesyon.— FRJ, GMA News
