Susubukan muli ng Filipina-American singer na si Jessica Sanchez na abutin ang kaniyang pangarap sa muling pagsali niya sa “America’s Got Talent.”
Sa teaser ng upcoming 20th season, mapapanood si Jessica na sinabi sa mga hurado na, “I was actually on the very first season of ‘America’s Got Talent.’”
Sinabihan naman siya ng isa sa mga judge na si Sofia Vergara ng, “After 20 years, this was a special moment.”
May post din si Jessica sa Instagram tungkol sa kaniyang AGT journey.
“Being 10 years old on ‘AGT’ played such a massive role in me believing in something bigger for myself, for my voice,” saad niya.
“What a huge blessing it is to be able to come back and chase after my dreams again after 20 years,” dagdag niya. “Can’t wait to see what God has in store for me.”
Nakilala si Jessica nang maging runner-up siya sa “American Idol” Season 11.
Mula noon, nagkaroon siya ng mga pagtatanghal at lumabas din sa “Glee.”
Noong 2023, pumunta sa Pilipinas si Jessica para magtanghal sa Miss Universe Philippines coronation night. —mula sa ulat ni Nika Roque/FRJ, GMA Integrated News
