Sa kaniyang pagbabalik sa "Unang Hirit," sinorpresa si Shuvee Etrata ng kaniyang co-Sparkle artist na si Anthony Constantino, na inihayag ang paghanga sa kaniya.Sa episode nitong Biyernes, binisita si Shuvee ni Anthony sa set, at inabutan ng buoquet. Hindi naman naitago ng ex-“Pinoy Big Brother” Housemate ang kilig sa pagdating ng binata.Ayon kay Anthony, masaya siya sa naging journey ni Shuvee sa loob ng Bahay ni Kuya.“I wanna thank them for just giving Shuvee really just this opportunity because if there’s anybody that deserves it, it’s really Shuvee,” sabi ni Anthony.“The world deserves to see her and I’m happy that the world got to see her. I’m just really, really proud of her and really happy,” dagdag pa niya.Sinamantala na ni Anthony ang pagkakataon na magbigay ng mensahe.“I want to take this moment just to show what you really mean to me. Ever since I met you, really, you’ve been so kind and I could just tell that… I don’t know, you really wear your heart on your sleeve and you really love everybody with all of your heart. And yeah, I’m really blessed and lucky to have you in my life,” anang binata.Dahil dito, hindi na napigilan ni Shuvee na tila mapatili sa kilig.Hindi man preparado na magbigay ng mensahe, pinasalamatan ni Shuvee si Anthony at sinabing hindi niya inasahan ang binata na salubungin siya nito paglabas niya sa Bahay ni Kuya.“Thank you for patiently waiting. Thank you for your patience. Thank you for being so special,” saad niya.“Guys, nandito na po ‘yung TDH ko!” sabi ni Shuvee kay Anthony, na kaniyang trending na acronym para sa tall, dark, and handsome, na dati na rin niyang ginamit sa kaniyang celebrity crush na si Donny Pangilinan.Bago nito, bumalik sina Shuvee at iba pang evicted na housemates sa PBB bilang duo challengers.-- FRJ, GMA Integrated News