Umani ng papuri si Alden Richards mula sa kaniyang mga co-star na sina Katherine McNamara at Byron Mann dahil sa kaniyang pagganap bilang kontrabida sa nalalapit niyang unang international film na “Big Tiger.”
Sa Chika Minute report ni Athena Imperial sa GMA News “24 Oras” nitong Lunes, pinuri ni Katherine ang husay sa pag-arte ng Asia Multimedia Star, at nagulat nang malaman na unang beses pa lamang ni Alden na gaganap bilang kontrabida.
"I had no idea that you've never played an antagonist until today because he's so fantastic in the film," saad ni Katherine kay Alden. "I'm begging to do a film with him where we don't have to hate each other."
Para naman kay Byron, sinabing lubos na kapani-paniwala ang pagganap ni Alden bilang kontrabida
"I just met him for the first time on set, kind of, right, and he was supposed to be the big villain in the movie and I just assumed he was a bad man in real life," ayon sa aktor.
Kasama rin sa pelikula si Max Collins na sinabing ibang Alden ang makikita sa pelikula.
"We love Alden, he's always so sweet, but just to see him as a total bad boy was amazing and sexy, it's a sexy thing about Alden. Guys, he should do it more, that would be great," ani Max.
Sinabi naman ni Alden na hindi naging mahirap para sa magdesisyon na gumanap na kontrabida sa unang pagkakataon.
"You know the hunger for learning as an actor has always been there, so I really wanted to venture on something that I've never done before. There's a lot of stunt preps, so I think it really contributed on how I was able to make John Lynch full circle," saad niya.
Si Alden din ang executive producer ng "Big Tiger," na ang pangunahing bida ay ang British actor na si Luke Goss. Ipalalabas ito sa Pilipinas at sa ibang bansa sa susunod na taon. —FRJ GMA Integrated News
