Isasama na sa seminar ng mga Overseas Filipino worker (OFW) ang financial literacy training bago sila payagang magtrabaho sa ibang bansa. Layunin nito na maturuan sila kung papaano mapapalago ang pinaghirapan nilang kita sa halip na puro gastos lang.
Magtutulong-tulong para sa programa ang Bangko Sentral ng Pilipinas (BSP), Overseas Workers Welfare Administration (OWWA) at BDO Foundation for the Pinanysal na Talino at Kaalaman (PiTaKa) program.
Nitong Lunes, inilunsad na ang PiTaKa program na isasama sa Pre-Departure Orientation Seminar (PDOS) ar Post-Arrival Orientation Seminar (PAOS) ng mga OFW.
Tatlong video tungkol sa financial literacy lessons at mga mensahe ang magiging pangunahing laman ng training, na gagamitin din sa general orientation seminars ng mga kaanak ng OFW.
Ang mga session guide at training kits ay ipagkakaloob ng OWWA trainers at OWWA-accredited PDOS/PAOS providers.
Ayon sa BDO Foundation, nakadisenyo ang mga learning tool sa kaisipan ng mga OFW upang tulungan silang mabago ang financial behaviors, na sahip na gumastos lang ay mahikayat silang mag-impok, nagpasok ng puhunan, o magnegosyo.
“As remittances consistently account for 10 percent of the Philippines’ gross domestic product, OFWs are indeed modern-day heroes. Yet, we continue to hear stories of OFWs facing financial struggles,” pahayag ni BSP Governor Nestor Espenilla Jr..
“The PiTaKa program aims to change these sad stories into ones with happy endings—OFWs and their families living together in the Philippines, with the capability to sustain their financial health, and productively contribute to the national economy,” dagdag niya.
Sabi naman ni OWWA Administrator Hans Leo Cacdac, “The PiTaKa campaign will complement the existing and current financial literacy initiatives, both of the government and private sector, by reinforcing a more ‘reachable’, ‘likable’, and ‘shareable’ campaign.” — FRJ, GMA News
