Nasawi ang isang 6-anyos na babae nang makuryente matapos magsaksak ng charger ng cellphone sa outlet sa Cadiz, Negros Occidental.<br /><br />Sa ulat ng GMA Regional TV sa Balitanghali nitong Biyernes, sinabing naganap ang insidente sa bahay ng pamilya ng biktima.<br /><br />Sinabi ng tatay ng biktima na nakita niya noong may hawak na cellphone ang anak.<br /><br />Hanggang sa biglang sinaksak ng bata ang charger ng cellphone sa outlet. Gayunman, dumikit ang daliri ng bata sa bakal na bahagi ng saksakan.<br /><br />Isinugod pa sa ospital ang biktima ngunit hindi na nailigtas. <strong>—Jamil Santos/ VAL, GMA Integrated News</strong>
