Pinasalamatan ni Pangulong Rodrigo Duterte si Japanese Prime Minister Shinzo Abe sa pangako umanong ¥1-trilyong ayuda para sa bansa.
“I am pleased with Japan’s reiteration that it is fully committed to – as he described it – ‘give flesh’ to the 1 trillion yen or close to nine billion dollars pledge [of] assistance to the Philippines,” pahayag ni Duterte sa kanilang joint statement ng Punong Ministro ng Japan nitong Lunes.
Sinabi ni Duterte na ang naturang pangako ay para sa mga infrastructure project, rehabilitasyon ng Marawi City, at iba pa.
“There will be some of the most ambitious and groundbreaking projects, including the Metro Manila Subway project, and major developments in the regions and provinces,” saad ng pangulo.
“Apart from its involvement in the peace process, Japan is already on the ground as we proceed with reconstructing Marawi and rebuilding the lives of those affected,” dagdag niya.
Noong Enero, ipinangako ni Abe ang kabuuang ¥1 trilyong ahalaga ng Official Development Assistance (ODA) at private sector investments para makalikha ng oportunidad sa kalakalan sa Pilipinas sa susunod na limang taon.
Sinabi rin ni Japanese Foreign Press Secretary Yasuhisa Kawamura sa mga mamamahayag sa Malacañang noong Enero na ang pangako, ay hindi lamang, "one-way inflow of investments of money from Japan."
Idinagdag niya na dapat manatili ang business-friendly environment sa Pilipinas.
Nasa Japan si Duterte para sa kaniyang official visit, ilang araw matapos na ganapin ang halalan sa nabanggit na bansa kung saan muling nanalo si Abe.
Sa isang ulat naman ni Cedric Castillo sa GMA News "24 Oras" nitong Lunes, sinabing sinaksihan ni Duterte ang pirmahan memorandums of understanding at letters of intent ng mga Filipino at Japanese companies para sa tinatayang $6 na bilyong halaga ng investments sa Pilipinas.
Ang kasunduan ay kinapapalooban umano ng pamumuhunan sa manufacturing, shipbuilding, agribusiness, power, renewable energy, mineral processing, retailing, information and communication technology, business process management, transportation, at infrastructure.
"[Duterte] met several Japanese companies and witnessed several B-B MOUs and Letters of intent on Investment plans, joint ventures and expansion of operations in the Philippines," ayon kay Trade Secretary Ramon Lopez sa isang pahayag.
"This would be in the areas of manufacturing such as shipbuilding and iron and steel, agribusiness, power, renewable energy, transportation, infrastructure, mineral processing, retailing, ICT, IT-BPM. Total new investments of USD 6 Billion," dagdag niya.-- FRJ, GMA News
