Pumanaw na nitong Lunes ng umaga sa edad na 65 ang anti-mining, environment activist at dating Environment Secretary na si Regina "Gina" Lopez.

Sa ulat ni Rida Reyes sa GMA News TV "Balitanghali," sinabing dakong 4:15 am nang bawian ng buhay si Lopez, batay sa inilabas na impormasyon ng ABS-CBN Foundation.

Pumanaw si Lopez dahil sa multiple organ failure sa Makati Medical Center matapos ang pakikipaglaban sa brain cancer.

Sa video post sa Facebook nitong nakaraang buwan, sinabi ni Lopez na na mayroong siyang "health challenges which I have found a blessing."

Itinalaga si Lopez na kalihim ng Department of Environment and Natural Resources (DENR) noong 2016 pero hindi nakalusot ang kaniyang kompirmasyon sa Commission on Appointments noong 2017.

Sa kaniyang panunungkulan bilang pinuno ng DENR, ilang kompanya ng pagmimina ang kanilang ipinasara o sinuspindi.

Bagong maging kalihim ng DENR, aktibo rin si Lopez sa iba't ibang gawain para sa pangangalaga sa kalikasan at maging ng mga taong nangangailangan. Naging managing director ng ABS-CBN Foundation at itinatag ang hotline Bantay Bata 163.

Noong panahon ng liderato ni dating Pangulong Benigno Aquino III, itinalaga siyang pinuno ng Pasig River Rehabilitation Commission. Pinangunahan din niyang kampanya para sa reforestation ng La Mesa Watershed.

Nagpaabot na ng pakikiramay ang Malacañang at mga opisyal sa pagpanaw ni Lopez.

Ikinalungkot din ng mga celebrity ang pagpanaw ni Lopez.

 

 

 

 
 
 
 
 
 
 
 
 
 
 
 
 

I have never met someone that was so driven by her passions. Someone who understood that even in front of adversity, we are the change that we want to see in the world. A staunch champion for thousands of voiceless communities and an infallible protector of the environment. Mother Nature personified, Gina leaves behind a legacy that we should all be inspired by, urging us to become better and help out, in whatever little ways we can, to improve the lives of everyone in our country. I spent just 4 days with her in Tawi Tawi and in that small amount of time, we had already spoken about grand plans, to a point where I was left confused by where to start. She woke up earlier than everyone else and met with community leaders, later than the rest of us. She taught us that it's all about moving forward, knowing that the race will never truly end, content with the impact we leave along the way. Like rays of sunshine, your energy will continue to stir our souls, even on the cloudiest days.

A post shared by Erwan Heussaff (@erwan) on

 


Ayon sa ABS-CBN Foundation, isasagawa ang memorial service at public viewing kay Lopez sa La Mesa Ecopark sa Fairview, Quezon City sa August 22 at 23 mula 9 a.m. hanggang 9 p.m. —FRJ, GMA News