Pansamantalang natigil ang daloy ng trapiko sa Commonwealth Avenue, Quezon City nitong Miyerkules ng gabi dahil barilan na naganap sa labas umano ng Ever Gotesco Mall.
Ayon sa Quezon City Police District, sinabing naganap ang engkuwentro dakong 7:00 p.m.
Wala detalye sa likod ng nangyaring barilan pero mayroon din mga operatiba ng Philippine Drug Enforcement Agency (PDEA) sa lugar.
Ayon sa Metro Manila Development Authority, kinailangan na pansamantalang itigil ang daloy ng trapiko sa east bound road ng Commonwealth.
Naglabas naman ng pahayag ang pamunuan ng Ever Commonwealth at kinumpirma nila ang barilan na naganap umano sa labas ng mall.
"We have secured all access to the mall so all shoppers are safe inside. Our priority right now is to ensure the safety of the employees and the public," ayon sa pahayag.
"The management is closely coordinating with the PNP of the current situation. Please bear with us as we allow the authorities to handle the situation. For now, we hope for everyone’s cooperation to exercise caution in sharing unconfirmed information online. Thank you," patuloy nito.--FRJ, GMA News
