Inirekomenda ng OCTA Research group na panatilihin ang general community quarantine (GCQ) status sa Metro Manila at mga kalapit na lalawigan sa Hunyo.
Sa online forum nitong Miyerkules, sinabi ni OCTA Research fellows Professor Guido David at Fr. Nicanor Austriaco, na nananatiling mataas pa rin ang COVID-19 cases sa NCR Plus (Metro Manila, Bulacan, Cavite, Laguna, at Rizal) bagaman nababawasan na ito.
“While we believe that we can relax restrictions, we think that we should try to retain the GCQ at this time because the cases are still significant,” saad ni David.
Sa kasalukuyan, nakapailalim sa “GCQ with heightened restrictions” ang NCR Plus hanggang sa katapusan ng Mayo.
Ayon kay David, maaaring luwagan ang ilang patakaran sa GCQ para madagdagan ang ilang negosyo at kapasidad nito.
Pero hindi pa umano panahon para ilipat sa modified GCQ ang NCR Plus.
“In fact, back in February, we were at 400 cases [sa Metro Manila] per day but we were still in GCQ so it doesn’t seem to be the time to relax to MGCQ at this time. It also gives us the wrong messaging to the people,” paliwanag ni David.
“We want to avoid situations where people become very complacent because they feel that the situation has improved significantly, that there are no more cases, when in fact there are still cases,” dagdag niya.
Ayon sa OCTA, ang Metro Manila ay may average na 1,099 new COVID-19 cases bawat araw sa nakalipas na linggo, 80% mas mababa na sa nangyaring pagsirit ng mga kaso noong Abril.
“That is about 80% lower than the average during the peak of the surge. The single-day peak was 8,000 but the daily average peak was 5,550, so this is a significant improvement,” ani David.
Bumaba na rin ang 0.53 ang reproduction number sa NCR (bilang ng mga tao na puwedeng manghawa). Habang 10% naman mula sa 25% ang positivity rate.—FRJ, GMA News