Nasolo ng isang mananaya ang mahigit P62 milyong jackpot prize sa Megalotto 6/45 draw nitong Biyernes ng gabi, Pebrero 18, 2022.
Sa website ng Philippine Charity Sweepstakes Office (PCSO), nakasaad na ang lumabas na winning combination sa naturang draw ay 31-30-06-04-29-16.
Mayroon itong kabuuang papremyo na P62,756,225.80, at nakasaad na may isang nanalo.
Samantala, wala namang nanalo sa kasabay nitong draw na Ultra Lotto 6/58.
Ang lumabas na mga numero sa naturang draw ay 47-58-12-18-31-44, at may kabuuang papremyo na P49,500,000.00.--FRJ, GMA News
