Gumanap si Sofia Pablo bilang isang dalagang nakararanas ng depresyon sa episode na “Amnesia Girl” ng Magpakailanman nitong Sabado. Sino kaya ang kaniyang nagsilbing inspirasyon?
Sa Chika Minute report ni Nelson Canlas sa 24 Oras Weekend nitong Sabado, sinabing reunited si Sofia sa kaniyang ex-PBB housemate na si Iñigo Jose sa heavy drama roles naman sa Magpakailanman.
“I didn't have to research kasi lumaki ako, si mommy may depression. So I've seen attacks talaga. So kahit paano naging inspiration ko rin ‘yung mom ko kasi nakita ko ‘yung her at her lowest so iba rin ‘yung hugot ko sa character,” sabi ni Sofia.
Samantala, tinutulungan ni Sofia si Iñigo sa kaniyang role bilang si Mark at ine-enjoy ang proseso sa kanilang shoot.
“The way we tackle the teamwork po, it's more of really, we have a shared goal. Kaya ang dali lang pong mag-get along. ‘Yun ‘yung parang nasa iisip ko eh,” sabi ni Iñigo.
Tunghayan ang naturang episode ng Magpakailanman sa GMA. —Jamil Santos/VBL GMA News
