Tiyak na magiging masaya ang Christmas ni Kapuso star Lovi Poe dahil makakasama niya ang Filipino-French boyfriend na si Chris Johnson, at ipapakita pa niya kung paano magdiwang ang kaniyang pamilya.
Sa Chika Minute report ni Lhar Santiago sa "24 Oras" nitong Miyerkoles, sinabi ni Lovi na natutuwa raw siya sa tuwing nakikita ang kaniyang ina na magluto tuwing Christmas.
"I'm just spending Christmas here po with my family and I'm just really excited because my favorite part of Christmas is when my mom is nagkakandarapa magluto habang kami nakaabang. Kasi favorite ko 'yung luto ng Mom ko so I'm just looking forward to our noche buena," sabi ni Lovi.
Nilinaw naman niya na bukod sa pagdalaw, plano rin daw ni Chris na magtayo ng business dito sa Pilipinas.
"Because he's been setting up his whole business here so it's like I don't have to ask him to do it. He's not here only just to see me, he's also starting up something here in the Philippines," sabi pa ng aktres.
Abala ngayon si Lovi para sa bagong Kapuso primetime series nila ni Rhian Ramos, Max Collins at Dennis Trillo na "The One That Got Away," na isa raw malaking hamon sa kaniya dahil ngayon lang siya gagawa ng romantic-comedy series.
"My comfort zone is definitely drama. Kumbaga parang crying for me is something that is easy for me. But then this one is much more challenging kasi it's like iba 'yung rhythm, may pagka romantic comedy."
Marami raw natututunan si Lovi kina Rhian at Max sa kanilang pagsasama.
"It's very important na dinadala namin ang isa't-isa because like si Rhian, she's done a lot of romantic comedies and that's why I'm learning a lot from her. I'm learning a lot from Max too because she's naturally bubbly." — Jamil Santos/BAP, GMA News
