"The sweetest and happiest surprise ever" kung mailalarawan ni Jinkee Pacquiao ang natanggap niyang regalo mula sa asawang si Senador Manny Pacquiao sa kaniyang kaarawan, dahil naka-dinner niya, kasama ng kaniyang kambal, ang Korean star na si Ji Chang Wook.
"I am grateful for my husband for giving me the most sweetest surprise. The sweetest and happiest surprise ever! Thank you, Babe! Love you! ?????????????????? (i will reveal it soon! )" caption ni Jinkee sa kaniyang Instagram noong Disyembre 27, 2017.
Hindi man nagpo-post ng larawan nila ni Ji Chang Wook si Jinkee, inihayag naman ng entertainment columnist na si Lolit Solis sa kaniyang Instagram na nagkita na nga ang dalawa sa South Korea, ayon sa Star Bites report sa GMA News "Balitanghali" nitong Sabado.
Nag-post na ang kambal ni Jinkee na si Janet Jamora.
Nagbakasyon sa South Korea ang pamilya ni Pacquiao noong Disyembre, na sumabay din sa Christmas break ni Ji sa Korean military.
Bumida si Ji sa Healer, Empress Ki at Warrior Baek Dong-soo. — MDM, GMA News