Lumipad kamakailan ng Europe ang celebrity couple na sina Bossing Vic Sotto at Pauleen Luna para mamasyal at masaksihan ang Wimbledon tennis match. Ngunit iniwan muna nila si baby Tali, para makapag-bonding din silang mag-asawa.
Sa Chika Minute report ni Nelson Canlas sa "24 Oras Weekend" nitong Sabado, nagkuwento ang mag-asawa tungkol sa kanilang Europe experience.
Sabi ni Pauleen sa kaniyang Instagram, ito ang kaniyang "first Wimbledon experience."
Bukod dito, binisita rin nila ang The Notting Hill Bookshop sa Notting Hill, London.
Pinasyalan din nila ang sikat na Stonehenge.
Sinabing naiwan muna si baby Tali sa kaniyang lola.
"I think it's also healthy na nakakapag-time alone din kami," sabi ni Pauleen.Nakita rin ang mag-asawa sa second night ng concert ng international singer na si Celine Dion. — Jamil Santos/DVM, GMA News