Ikinuwento nina Luane Dy at Carlo Gonzalez kung bakit Jose Christiano ang ibinigay nilang pangalan sa kanilang bagong silang na anak, na may nickname na Christ.
"I've always wanted the name Christ, Christ-like, 'yung mga gano'n. And at the same time, letter C, so parang kung titingnan mo, pareho kami," paliwanag ni Carlo sa Unang Hirit.
"Lahat ng lalaki kasi sa pamilya namin may Jose, so sabi ko, ano'ng magandang pangalan na letter C that goes well with Jose? So, ayun, pareho kami, J.C.D.G.," dagdag pa ni Carlo.
Kaya naman "Christ" ang magiging nickname ni Jose Christiano.
Ipinanganak si Christ sa gitna ng COVID-19 pandemic, kaya hindi na nagawang samahan pa ni Carlo si Luane sa delivery room.
"Nalungkot si Carlo kasi hindi na allowed ang husbands sa loob ng labor room, ng delivery room, gusto pa naman sana naming ma-experience 'yung siya 'yung magka-cut ng umbilical cord," kuwento ng Unang Hirit host.
Nag-post din ng kanilang madamdaming mensahe ang mag-asawa para sa kanilang anak.
"Anak, salamat sa ligayang iyong dala. Nawa’y hindi tayo mawalay hanggang sa aking pag tanda. Buong buhay kong pagmamahal sayo’y ipadarama. Masuklian lamang sa aki’y tunay mong halaga. Ikaw ang buhay ng aking buhay sinta. Tunay, mahal na mahal kita. I love you son," mensahe ni Luane sa kaniyang anak.
"Jose Christiano Gonzalez, you are truly heaven sent. No Amount of words can epitomize what you mean to me. I will never know what I did in this lifetime to deserve you. I love you with all that i am," mensahe naman ni Carlo sa anak.
--Jamil Santos/FRJ, GMA News
