Nakapagtapos na sa kursong Bachelor of Arts Social Sciences sa University of the Philippines sa Manila ang anak ni Ruby Rodriguez na si Antoinette Nicole Rodriguez Aquino, na kilala rin sa showbiz bilang si "Toni."
Masayang ibinahagi ni Ruby sa kaniyang Instagram ang screenshot sa virtual graduation ng kaniyang anak.
"Its so official!! Congratulations @ninichips Im so proud of you," saad ni Ruby sa caption ng kaniyang post. "Its Virtual Grad #newnormal Cant wait to see you Miss u so much. love you babe."
Sa kaniya ring Instagram account, biniro naman ni Antoinette ang kaniyang sarili at sinabing, "I am surprised you even graduated" - me to myself. but hey, I did it!"
Dalawa ang supling nina Ruby at Mark na sina Antoinette at Antonio. --FRJ, GMA News