Inanunsyo nina Miriam Quiambao at ng asawa niyang si Ardy Roberto na magkakaroon sila ng pangalawang supling.
Inilahad ng dating beauty queen ang magandang balita na buntis siya sa kaniyang YouTube at social media accounts nitong Disyembre 30.
"Thank God kasi meron Siyang naging surprise for us before Christmas, actually. And we now are so excited to share with you the great news that... I'm positively pregnant!" sabi ni Miriam.
Kasabay nito, ipinakita rin ni Miriam ang sonogram ng paparating na baby nila ni Ardy.
Ayon kay Miriam, walong linggo at anim na araw na siyang nagdadalang-tao nang araw na ini-record nila ang video nitong Disyembre 26.
"We found out two weeks ago. We weren't really expecting..." sabi naman ni Ardy.
"But we were praying for it," dugtong ni Miriam.
Nobyembre raw nang hindi na nakaranas si Miriam ng kaniyang period o buwanang dalaw.
"Tapos 'yung mga symptoms ko before when I was first pregnant with Elijah like tenderness of the breast, hindi ko nararamdaman. Pero ang napapansin ko para akong laging hapong hapo, parang lagi akong pagod, feeling ko tamad ako, gusto ko lang matulog. Hindi naman ako nasusuka," kuwento ni Miriam.
"Walang indication except for the missed period," dagdag ng beauty queen.
Nakumpirma nina Miriam at Ardy na buntis si Miriam nang sumailalim na siya sa digital test.
"It was really a surprise, a very pleasant surprise," sabi ni Miriam, 45-anyos.
"We just want to encourage everybody who's down and out or just low on hope this 2020, not to give up on hope. And whatever your dreams or whatever you're praying for, there's nothing really impossible with God," ayon kay Ardy.--FRJ, GMA News
