Ipinakita na rin ni Marian Rivera ang kaniyang acting skills pagdating sa teatro, pero sa virtual lang muna.
Ipinasilip sa GMA News "Unang Balita" nitong Miyerkules ng Tanghalang Ateneo ang acting ni Marian para sa adaptation ng "Oedipus Rex."
"Hango sa bantog na trahedya ng sinaunang Griyego, inilalahad ng password: 03dipu5 r3x ang pakikipagtuos ni Edipo, ang pangulo ng bayan, sa isang karumal-dumal na kapalarang walang makawaksi," caption naman ni Marian sa Instagram.
Maaari nang bumili ng tickets para sa palabas, na mapapanood sa Pebrero. —LBG, GMA News