Pinarangalan ang Kapuso Network bilang "Station of the Year" at wagi rin ang ilang Kapuso programs at personalities sa ikalimang Guild of Educators, Mentors, and Students (GEMS) Awards.
Sa ulat ng GMA News TV "Balitanghali" nitong Miyerkoles, sinabing nakuha ni Dingdong Dantes ang Best Performance By An Actor para sa pagganap niya sa Pinoy adaptation ng "Descendants of the Sun."
Nakuha naman ni "Superstar" Nora Aunor ang Best Performance by an Actress in a Lead Role para sa "Isa Pang Bahaghari."
Wagi naman bilang Best Female TV Program Host si Vicky Morales para sa "Wish Ko Lang," at Best Male TV Program Host si Kuya Willie Revillame para sa "Wowowin."
Panalo bilang Best Digital Newscast ang "Stand For Truth," samantalang Best Female Radio Broadcaster si Rowena Salvacion para sa "Serbisyo On the Spot" ng Super Radyo DZBB.--Jamil Santos/FRJ, GMA News
