Inihayag ni Bimby Aquino-Yap na napatawad na niya ang kaniyang amang si James Yap, pero kasabay ng pagsasabing hindi siya umano kino-contact nito.
"Do you feel resentment that you have grown up with no dad?" diretsahang tanong ng inang si Kris Aquino kay Bimby sa isang one-on-one interview, kasabay ng pagdiriwang ng anak ng kaniyang ika-14 kaarawan.
"No. Kasi I have such an awesome momma," sagot ni Bimby, at binanggit din ang iba pang mga "awesome" na tao na nagparamdam sa kaniya ng pagmamahal.
"What I'm trying to say is, do you feel that there is something missing in your life?" tanong ni Kris.
"No. Because all of those people overflowed it already," sagot ni Bimby. "I am 10,000 times sure, I am one Googolplex sure."
Sunod na hot seat question ni Kris kay Bimby, "Have you forgiven your dad?"
"Yeah. Sorry sa bluntness ko ha. I don't really care," sagot ni Bimby. "Ito lang ha. Hindi siya bastos po. You forget. And when you look back at the memories, those horrible memories, mawawala na 'yung pain."
Gayunman, inilahad din ni Bimby na hindi raw niya gaanong nakakausap ang ama.
"He has his own life, and I have my own life. We are not in contact," ayon pa kay Bimby, na pinabulaanan ang ilang usapin na hindi raw siya pinayagan ni Kris na kausapin ang kaniyang ama.
"No. It's the opposite. He's the one who's not trying to get in contact with me," sabi ni Bimby.
"I have a phone. And it just takes 10 digits sa keypad to call me. Eh hindi niya ginawa in ilang years," sabi pa ni Bimby.
"But all those people who loved me, who cared about me are like 650,000 times better than what I could get from him. Sorry sa bluntness ko po ha," sabi ni Bimby.
Samantala, binati ni James si Bimby sa ika-14 taong kaarawan nito.
"HAPPY 14th Birthday Bimb. I Love you no matter what! Wishing you all the best that life can offer. God bless you," caption ni James sa Instagram, kasama ang isang photo na magkasama pa sila ni Bimby noong maliit pa ito. – Jamil Santos/RC, GMA News