Nagpapagaling na si Chynna Ortaleza matapos makaranas ng mga problema sa kaniyang kalusugan, kabilang ang pagkabawas ng kaniyang timbang. Ayon sa aktres, may kaugnayan ang mental health issues sa kaniyang pinagdaanan.
Sa Star Bites report ni Cata Tibayan sa GTV "Balitanghali" nitong Martes, sinabing ininda ni Chynna ang problema sa kaniyang gastrointestinal tract sa nakalipas na anim na buwan.
"Nitong months of the pandemic, I became bothered because it was an everyday thing, it didn't want to stop. Even if I started drinking my medicine, it would leave and then come back. So nagtataka na ako na parang 'Ano ang nangyari sa digestive system ko?" sabi ni Chynna.
Lumala aniya ang kaniyang gut problems dahil na rin sa ilang mental health issues.
Sanhi ito ng magkasunod na pagpanaw ng kaniyang ama at tito, at pinipilit niyang magpakatatag.
"I am suffering from some disturbances in my mental health because of grief and trauma. I didn't give myself time to grieve, in all my honesty, about my papa. So after that parang naging mom na ulit ako tapos ibang adjustment na naman kasi dalawa na sila. Tapos apart from that nag-pandemic," sabi ni Chynna.
"So ang dami-dami kong pino-process," dagdag ng aktres.
Naalarma rin si Chynna matapos na bumagsak ang kaniyang timbang, mula 109 pounds na naging 86 pounds kahit hindi siya nag-e-ehersisyo o diet.
Nalaman kalaunan ng Kapuso mom ang puno't dulo ng kaniyang gut problem matapos kumuha ng food and tolerance test.
"I had to take out everything that I loved eating. Cheeses, dairy, eggs, glutten. Glutten is in a lot of flour, so breads. I had to restart everything," sabi niya.
Ngayong pandemic, natutunan ni Chynna na magpahinga at pangalaan ang sarili mentally, physically at emotionally.
"When you get sick, you have to look into the root cause of it. You know why you're treating it and it's not just the symptom that you're treating, 'Ah masakit ulo ko, so pain reliever,' o 'Ah masakit 'yung tiyan ko, mag-antacid ako.' Kailangan alam mo kung bakit nangyayari 'yon. And usually it's functional talaga or mental. In my case it's both," paliwanag niya. --Jamil Santos/FRJ, GMA News
Para sa mga katanungan tungkol sa mental health o kailangan ng tulong, maaaring makipag-ugnayan sa mga sumusunod:
NCMH Crisis Hotline - 0917-899-USAP (8727), (02) 7-989-USAP(8727);
Outpatient NCMH Section - (02) 531–9001 local 290, 0977-244-0200, 0977-244-0202, 0977-244-0215.
Through Facebook - facebook.com/ncmhcrisishotline;
Through Twitter - twitter.com/ncmhhotline;
COVID Hotline - 0949-568-2910, 0966-351-4518.
Para sa iba pang impormasyon tungkol sa Mental Health Program ng DOH, bisitahan ang website na https://www.doh.gov.ph/national-mental-health-program.