Naging usap-usapan online si Tirso Cruz III dahil sa kaniyang pagkakahawig sa "Squid Game" star na si Lee Jung Jae.
Sa kaniyang Instagram story, na makikita rin sa Unang Balita nitong Biyernes, si Tirso na nasa South Korea at nag-pose sa harap ng isang poster ni Lee Jung Jae sa subway.
Napuna naman ng netizens ang pagkakahawig ni Tirso at Lee Jung Jae, kaya pinusuan nila ito.
Lumipad si Tirso pa-South Korea para sa Busan International Film Festival kasama ang mga kaibigan.
Gumaganap ang veteran at award-winning actor bilang si Padre Damaso sa historical fantasy series na Maria Clara at Ibarra.
Pinamumunuan din ni Tirso ang Film Development Council of the Philippines. —Jamil Santos/LBG, GMA News
