Hindi itinago ni Juancho Triviño ang sobrang pagka- aliw nang makatanggap ng action figure ni Padre Salvi na karakter niya sa Kapuso series na “Maria Clara at Ibarra.”
Gawa ang laruan mula sa Peppi Works on Instagram, na negosyo ang customized figures na katulad ng Funko Pops na ginagamitan ng polymer clay.
Gaya ng Funko Pops, nasa kahon din ito.
Tuwang-tuwa si Juancho dahil sa detalye ng action figure ni Padre Salvi mula sa kasuotan nito hanggang sa markadong hairstyle at eyebags.
“That’s amazing,” ayon sa Kapuso actor. “Thank you, Peppi Works for making my dreams come true. Love you guys.”
Sa Instagram page ng Peppi Works, gumawa rin sila ng aciton figures ni "Fidel," na ginagampanan ni David Licauco.
Mapapanoon ang mga huling episode ng “Maria Clara at Ibarra” sa susunod na linggo. —FRJ, GMA Integrated News