Sinagot ni Rob Gomez ang tanong kung nililigawan niya ang kaniyang “Magandang Dilag” co-star na si Herlene Budol.
Matatandaang naging magka-date sina Herlene at Rob noong GMA Gala 2023.
"We're really good friends, and she's a really, really smart and funny girl, so I'm very lucky to be able to work with her,” anang aktor sa "Fast Talk with Boy Abunda" nitong Huwebes.
Gayunman, inilahad ni Rob na hindi niya nililigawan ang dating beauty queen.
"Nothing beyond work right now," anang binata.
Sinabi rin ni Rob na meron siyang nililigawan ngayon.
"Meron po siyempre, kawawa naman tayo kung wala tayong love life," sabi niya.
"I don't know if I can disclose it, but we do, we always have someone,” dagdag ni Rob. “Masaya po tayo ngayon.”
“I’m very happy with how everything is going, with work, with my life outside of work. Everything is good, really, really good.”
Umani ng mataas na 11.6 rating ang "Magandang Dilag" noong Hulyo 26.
"11.3 thank you everyone grabe 'yung buhos ng pag suporta n'yo," saad ni Herlene sa Instagram kamakailan, nang i-post niya ang isang larawan kasama sina Rob at Benjamin Alves. --FRJ, GMA Integrated News