Hindi itinanggi ni Jackie Lou Blanco na naging mahirap para sa kanilang pamilya ang taong 2025, na magkasunod na pumanaw ang kaniyang ina na si Pilita Corrales, at dating asawa na si Ricky Davao.
“2025 was very difficult for our family because we lost two of our loved ones. But that's part of God's plan. We may not understand, it was difficult,” sabi ni Jackie sa Fast Talk with Boy Abunda nitong Biyernes.
Dagdag niya, naging mahirap din ito para sa maraming tao. “Mahirap. For all of us. In all aspects,” ani Jackie. “More often than not, you don’t know how you’re able to go through it.”
In Memoriam: Mga celebrity na namayapa ngayong 2025
Pagbabalik-tanaw ni Jackie, naging mahirap din sa kaniya nang hindi nila inilahad ni Ricky sa publiko ang tungkol sa kanilang hiwalayan.
“Siguro, when Ricky and I separated, kasi we did not announce it to the public. So siguro, now that I'm thinking about it, siguro the lie there was, I guess when we were out, we would pretend. Not naman pretend, but siguro naging ganu’n na nga. People didn't really know that we were separated. So for me, parang, that's also a lie because you're pretending that things are okay,” sabi niya.
“Parang we would, or siguro inisip na lang namin na parang let's just be civil or people don't have to know,” patuloy niya.
Sa kabila nito, sinabi ni Jackie na marami pa ring itinuro sa kaniya ang 2025, na maaaring makatulong sa hinaharap.
“Pero marami rin learnings at maraming puwede pang pagbutihin sa Bagong Taon. Kung ano man ‘yung natutunan, puwedeng gamitin, puwedeng ibahagi sa ibang tao,” sabi niya.
Pumanaw ang kaniyang inang si Pilita noong nakaraang Abril sa edad 87.
Pumanaw naman si Ricky noong sumunod na buwan dahil sa mga komplikasyon na may kaugnayan sa cancer.
Ikinasal sina Jackie at Ricky noong 1989. May tatlo silang anak na sina Kenneth, Rikki Mae, at Ara.
Makakasama sina Jackie Lou at Snooky Serna sa upcoming series na "House of Lies" na pangungunahan nina Beauty Gonzalez, Kris Bernal, Mike Tan, at Martin Del Rosario. – FRJ GMA Integrated News
