Umakyat na sa 11 ang nasawi sa pag-araro ng isang sasakyan sa mga taong dumadalo sa Filipino community street festival sa Vancouver, Canada. Ang nadakip na 30-ayon na suspek, kinasuhan ng murder.Sa post sa X ng Vancouver Police, kinilala ang suspek na si Kai-Ji Adam Lo, na kinasuhan ng eight counts of second-degree murder ng prosekusyon sa British Columbia "and further charges are anticipated."Sa ulat ng Reuters, sinabi ng pulisya na nasa 11 ang nasawi sa naturang pananagasa na ang edad ng mga biktima ay mula lima hanggang 65.Ilang oras matapos madakip si Lo, iniharap siya ng mga pulisya sa korte noong Linggo. Batay umano sa court documents, walang nakasaad na ginawang "plea" ang suspek.Inilarawan si Lo na may "significant history" ng pakikipag-ugnayan sa mga awtoridad tungkol sa mental health. Wala rin umanong katibayan sa kaniya ng terorismo."This is the darkest day in our city's history," saad ni Vancouver Interim Chief Constable Steve Rai sa mga mamamahayag nitong Linggo sa press conference.Ayon pa sa pulisya, kritikal ang lagay ng ilang mga sugatan, at posibleng madagdagan ang bilang ng nasawi.Nitong Linggo ng hapon, sinabi ni Rai na hindi siya naniniwala na may patuloy na banda sa seguridad ng komunidad.Mahirap 100 police officers ang kasama umano sa imbestigasyon."The community will feel this for a long time," ayon kay RJ Aquino, pinuno ng community advocacy group Filipino BC. "We want to tell everybody that we're grieving. We want to tell everybody that we see and hear the support from around the world at this point."Kinondena ni British Columbia Premier David Eby ang naturang pag-atake. Mahirap umanong hindi makaramdam ng galit sa taong pumaslang ng mga inosenteng tao."I want to turn the rage that I feel into ensuring that we stand with the Filipino community, that we deliver what they need, that we stand with those families who have lost loved ones," saad niya sa mga mamamahayag."I know it's hard to believe it in this moment, but I know we will come back stronger," dagdag niya.Mahigit 12 oras matapos ang insidente, wala pang nakikitang motibo ang pulisya sa dahilan ng suspek para gawin ang naturang krimen.Ayon sa ulat, walang dedicated police presence o heavy vehicle barriers sa lugar na pinagdausan ng festival ng Pinoy community."There were no known threats to the event or to the Filipino community," saad ni Rai. — mula sa ulat ng Reuters/FRJ, GMA Integrated News
