Itinalaga ni Pangulong Ferdinand “Bongbong” Marcos Jr., si Undersecretary Cherbett Karen Maralit bilang bagong miyembro ng Board of Directors sa Manila Economic and Cultural Office (MECO) sa Taiwan.
Ayon sa Malacañang, pinalitan ni Maralit sa naturang puwesto si dating Presidential Communications Office acting secretary Jay Ruiz.
Ang MECO ang “de facto” embassy ng Pilipinas sa Taiwan, dahil sa pagkilala ng bansa sa One-China Policy.
May petsang December 2 ang appointment paper ni Maralit, habang wala namang ibinigay na dahilan ang Malacañang kung bakit inalis sa MECO si Ruiz.
Bago italaga sa MECO, nagsilbi si Maralit bilang PCO undersecretary for operations, administration, finance, and government-owned or controlled corporations. — Anna Felicia Bajo/FRJ GMA Integrated News
