Arestado ang isang Chinese national dahil sa paninigarilyo sa beach ng Boracay, ayon sa ulat ng Unang Balita nitong Martes.
Ayon sa pulisya, itinapon pa ng suspek na si Dennis Chong ang upos ng sigarilyo sa buhangin. At nang sitahin, sinuntok pa raw ni Chong ang nanitang pulis.
Posible raw na kasuhan si Chong ng paglabag sa Anti-Smoking Ordinance, Anti-Littering, at Direct Assault Against a Person in Authority. —KBK, GMA News
