Inilagay sa lockdown ang isang gusali at compound sa Zamboanga City kung saan umano nagdaos ng party ang ilang residente sa kabila ng banta ng COVID-19, ayon sa ulat ng Unang Balita nitong Huwebes.
Ayon kay Mayor Beng Climaco, hindi nasunod sa nasabing party ang social distancing at pagsusuot ng face masks kaya kumalat ang COVID-19 sa mga kaanak at ilang bisita.
Samantala, sarado hanggang September 20 ang rural heath unit (RHU) ng Coron, Palawan matapos magpositibo sa COVID-19 ang apat na empleyado nito.
Sa kabila nito, maaari pa ring magpakonsulta sa RHU opisina sa pamamagitan ng telepono.
Nakatakda namang i-swab test ang lahat ng empleyado ng RHU. —KBK, GMA News