Masuwerteng nakaligtas sa katayan ang toro na si "Napoleon" na hindi nabiyayaan ng tamang tangkad sa Bavaria, Germany.
Sa ulat ng Reuters, sinabing isinilang na may congenital genetic defect si Napoleon kaya siya naging pandak.
Kahit walong-buwang gulang pa lang si Napoleon, sinabing hindi na siya lalaki sa sukat niyang 2.6 feet.
Dahil dito, binalak ng may-ari na dalhin na sa katayan si Napoleon. Pero hindi ito nangyari nang may sumagip sa kaniya at dinala siya sa isang animal sanctuary sa southern Germany.
"Napoleon belongs to the Dexter breed, which produces rather small cattle anyway. They grow up to be about 1.20 cm (3.9 feet). With his 80cm (2.6 feet) he is of course far below that," ayon kay Lukas Becker, teacher at animal sanctuary staff.
"Despite his size, he feels like a complete bull and is in a good mood. He has settled in with us very quickly, which we are very happy about. He also has a lively effect on the herd," patuloy ni Becker.
Kasama ni Napoleon na namumuhay sa Schneiderhof farm ang nasa 100 na iba pang mga hayop.
Kabilang dito ang baka na si Laura na nagsisilbi niyang foster mother.
"Napoleon is especially fond of his foster mum, Laura. We rescued her last year in June and the two of them are very close and spend almost every moment together," ayon kay Becker.
--Reuters/FRJ, GMA News