Ibinahagi ni Tim Yap ang kakaibang karanasan nang makita at makapagpakuha pa siya ng larawan kasama ang Hollywood star na si Angelina Jolie sa New York City.
Sa kaniyang Instagram post, sinabi ni Tim na nangyari ang hindi niya malilimutang sandali nang manood siya ng Outsiders Musical sa Bernard Jacobs Theatre sa Broadway.
“Need a moment to digest," sabi ni Tim, habang kinokontrol umano ang sarili upang maging kampanya nang makaharap na si Angelina.
"Oh hi there Miss Jolie! Congratulations on producing the show!," saadn niya.
Pero, "Inside: hand fanning moment + palpitation,” saad pa ng Pinoy celeberity.
“IT’S ANGELINA JOLIE!!!” dagdag niya.
Isa si Angelina sa mga producer musical na pinanood ni Tim na mula sa nobela ni S. E. Hinton at pelikula ni Francis Ford Coppola, na pareho ang titulo.
p>Ikinatuwa at napa-wow! naman ng mga kapuwa niya celebs ang post at naging pambihirang karanasan ni Tim.
“Omfg,” komento ni Miss Universe Philippines 2023 Michelle Dee.
“Kakaiyak,” saad naman ni Yassi Pressman.
Kabilang sa mga pelikulang pinagbidahan ni Angelina ang "Lara Croft: Tomb Raider," "Mr. & Mrs. Smith," "Salt," "Those Who Wish Me Dead," "Maleficent," "Eternals," at marami pang iba.-- FRJ, GMA Integrated News