Pumirma na ng kontrata si John Lloyd Cruz sa GMA Network!
"Napakalaking bagay na nakahanap kami ng tahanan sa GMA," sabi ni John Lloyd sa kaniyang pagpirma ng kontrata sa GMA Network nitong Martes, Nobyembre 9.
Nasa contract signing ang GMA executives, na kinabibilangan nina GMA Network board director, programming consultant to the chairman/CEO, at GMA Films president Annette Gozon-Valdes; GMA Network First Vice President for Program Management Department Jose Mari Abacan; GMA Senior Vice President for Entertainment Group Lilybeth G. Rasonable; GMA Vice President for Drama Productions Redgie Acuña-Magno; GMA Vice President for Business Development Department III Darling de Jesus-Bodegon; GMA Senior Assistant Vice President for Alternative Productions Gigi Santiago-Lara; GMA Assistant Vice President for Drama Productions Cheryl Ching-Sy; GMA Artist Center Assistant Vice President and Head for Talent Imaging and Marketing Unit Simoun Ferrer; Assistant VP for Program Management, Mitzi Garcia; First VP for Legal Affairs Atty. Lynn Delfin; First VP and Head of Regional TV and Synergy Oliver Amoroso; First VP for Sales and Marketing Riza Garduque; VP for Corporate affairs and communications Angela Javier Cruz; GMA Artist Center Consultant Mr. Johnny Manahan; at Assistant Vice President for Corporate Communication Jojo Aquio.
Kasama rin sa contract signing ang direktor na si Edgar "Bobot" Mortiz, na magiging bahagi ng bagong show ni John Lloyd sa GMA-7 na Happy Together, kung saan magiging creative director din ang aktor.
Kabilang naman sa mga nagpadala ng video message bilang pagtanggap kay John Lloyd sina Gabbi Garcia, Barbie Forteza, Sanya Lopez, Ruru Madrid, Julie Anne San Jose, Dingdong Dantes, Marian Rivera, AiAi delas Alas, Pokwang, Andrea Torres, at Bea Alonzo.
Bago nito, nauna nang napanood ang pagbabalik-telebisyon ni John Lloyd sa Wowowin noong Hunyo nang mag-host siya ng 6.6 Midyear special kasama si Willie Revillame.
Sa mismong event, napaluha si John Lloyd sa kaniyang maikling panayam kay Willie tungkol a kaniyang pagbabalik-telebisyon.
Inihayag naman ni Willie ang plano niyang gumawa ng sitcom kasama sina John Lloyd at Andrea Torres. —Jamil Santos/KG/LA, GMA News