Bibigyang boses ng voice artist na si Inka Magnaye ang artificial intelligence (AI) sa bahay ng karakter ni Alden Richards na si Tristan sa upcoming drama romance series na "Start-Up PH."
Sa Chika Minute report ni Lhar Santiago sa GMA News "24 Oras" nitong Martes, sinabing may character at may attitude ang AI sa bahay ng karakter ni Alden.
Malaki ang gagampanang role ng AI sa itatakbo ng istorya, kaya dapat daw itong abangan ng Kapuso viewers.
"Just thinking about my first role in a teleserye is, number one, something that I love to do, which is voiceovers. Tapos number two, to get to work with these big names who are household names, respected in the industry, I'm so excited," sabi ni Inka.
Bukod dito, na-e-excite rin si Inka dahil kung sa original series, may pagkasuplado si NoonGil, may nakatutuwa namang karakter ang boses niyang si Maria.
"May pagka-sass kasi siya eh. So I'm excited to put that, parang 'Hmm?' I'm really looking forward to bringing that part out of the voice acting. I'm looking forward to doing the acting part."
Tinanong din kung bukas si Inka sa pag-acting sa harap ng camera.
"[I will] explore that platform. Kasi po when I was younger I used to do theater. So to be able to practice that and maybe looking into honing that part of my craft. Kasi 'di ba voice acting, it's still acting. So I want to do acting naman po to expand my repertoir," sabi ni Inka. --Jamil Santos/FRJ, GMA News