May music video na ang official theme song ng kinakikiligang love team na "Filay" sa Kapuso series na "Maria Clara at Ibarra" na sina "Fidel" [David Licauco] at "Klay" [Barbie Forteza].
Ang awiting "Kailangan Kita" ay bahagi ng soundtrack ng Kapuso hit historical portal fantasy series, at kinanta mismo ni David.
Matapos ilabas, naging trending topic ang Filay at Kailangan Kita sa Twitter Philippines. Pagpapakita ng mainit na suporta ng fans sa music video.
Mapapanood gabi-gabi sa GMA Telebabad "Maria Clara at Ibarra" mula Lunes hanggang Biyernes.--FRJ, GMA Integrated News