Walang nakikitang masama si Bianca Umali sa ginawang rebelasyon ni Miguel Tanfelix tungkol sa naging "lihim" nilang relasyon noon.
"I don't think I have any comments, kasi, honestly, I saw his interview and what he said," sabi ng Kapuso actress sa panayam ng "Updated With Nelson Canlas."
Kahit papaano, masaya si Bianca para kay Miguel dahil, "finally he was able to talk about what happened to us."
"It was an issue that was never talked about, really. It was never… parang walang assurance at all sa mga tao kung ano ba ‘yung talagang nangyari. And, I think, by his answer to that question about us, it answered so many delusions... mga theories ng mga fans noon," ani Bianca. "I have nothing else to say kasi, I think, I would answer the same thing na totoo naman lahat ng sinabi niya," paliwanag niya.
Nang tanungin kung magkaibigan sila ngayon ni Miguel, "Yes" ang isinagot ni Bianca pero hindi tulad ng "barkada."
"Well, of course I couldn't say that we are friend-friends kasi [we are] not as barkada-friends," ayon kay Bianca, "But we are friends sa loob ng network. And we don’t really see each other that often. So nagkakabatian."
Sabi pa ni Bianca, hindi maitatanggi na malaking bahagi ng kanilang career ang isa't isa.
Hindi umano siya ang tao na itatanggi na naging bahagi ng kaniyang buhay si Miguel.
"Because it is for how many years and it's disrespectful naman din to him na i-disregard ‘yung presence na ‘yon," anang aktres.
"So I have nothing against him talaga. It's more of I'm just happy we both have our own lives, our own partners. We both have grown, he has grown, and I think it shows so much in that interview," patuloy niya.
Ginawa ni Miguel ang mga rebelasyon sa mga babaeng naugnay sa kaniya nang tanungin sa programang "Fast Talk With Boy Abunda."
Nililigawan na ngayon ni Miguel si Ysabel Ortega, habang kasalukuyang nobyo ni Bianca ang Kapuso actor na si Ruru Madrid. —FRJ, GMA Integrated News